توعدت سهى عرفات، أرملة رئيس السلطة الوطنية الفلسطينية السابق، ياسر عرفات، بفتح "باب جهنم" على من هاجموها عقب تقديمها اعتذار للإمارات عن "الإساءة" وصور حرق الأعلام الإماراتية بعد إعلان اتفاق السلام مع إسرائيل.

وقالت سهى عرفات في مقابلة نشرتها قناة "Kaan" الإسرائيلية: "كلها عشان أنا بقول ما تحرقوا أعلام؟ هذا إرهاب فكري بتعطوهم مصاري انتم عشان الأمن عشان يهاجموا العالم.. في تعليمات أن أخوّن، وجاي التعليمات من انتصار من مكتب الرئيس هي اللي بتعطي الرئيس (أبومازن) معلومات خطأ وهي التي تحكم فلسطين من خلال الرئيس..".

وتابعت قائلة: "رام الله مفكرين حالكوا دولة عظمى، بطلب من أبومازن الحماية، حماية من اللي حوليه، أيش بدو يعمل بأخوي؟ يحط بالسجن؟!.. في 10 آلاف يورو هو معاش ياسر عرفات صدقني غيره ما فين يخوفوني بالملايين ما في ملايين يخوفوني عليهم، إذا شعرة من شعرتنا انصابت بحملها السلطة الفلسطينية.. أبو مازن يُغلّط، أنا بحب أبومازن ولكن من حوله بدهم يعادوا عيلة عرفات، إحنا عيلة عرفات قدها، عيلة عرفات بتجيب ناس أكثر منهم كلهم..".

وقالت سهى عرفات "لو ياسر عرفات موجود كان راح قال لمحمد بن زايد (ولي عهد أبوظبي) تعال، تعال يا محمد بن زايد وشوف وساعدني على نتنياهو، مش قادر عليهم".

وتابعت سهى عرفات: "بكفي مزايدات، إحنا نقعد مع الإسرائيلية ونقعد مع الشاباك ومع الموساد، على مين عم يضحكوا؟.. بدهم يفتحوا باب جهنم أنا بفتح باب جهنم على راسهم، وياسر عندي مذكراته كاتب على كل واحد منهم، لو بطلع ورقة على من يقول عنهم ياسر يعني يحرقهم أمام شعبهم..".